عالم الابداع

القطة الشقية للاعمال المنزلية . انهاردة معانا الحل النهائى لكل الامهات اللى تعبوا من اعمال المنزل. انها القطة الشقية صاحبة الخفة والسرعة فى اداء جميع اعمال المنزل , حيث انها تقوم بكل شئ عنكى ماعليكى فقط غير طلب منها ماتريدين . وسوف تقوم بالباقى .
مميزات القطة الشقية :
- بتنجز جميع اعمال المنزل فى ساعات قليلة جدا .
- الدقة فى العمل ولا تتكاسل نهائيا ( يعنى مبتركنش كل شوية من التعب) .
- بتسمع الكلام وتنفذ على طول دون اى اعتراض .
- لا تأخذ حيز فى البيت ( يعنى ركن صغير كده فى البيت تريح فيه , مش زى الخدامة تاخد غرفة كاملة ) .
- سعرها مناسب جدا ( هتعرفوه كمان شوية) .
- لو رايحين مصيف ولا حاجة, سهل اوى تيجى معاكوا فى شنطة العربية وحطها .- ممكن تقدمها هدية لخطيبتك , والدتك , مراتك , حماتك ( رغم ان دى صعبة شوية ) .- اهم نقطة بقى , لاتسبب الغيرة للامهات تجاه ازواجهم ,
يعنى معتقدش الست هتغير من قطة ( الخدامة بقى احنا عارفين !!! ) .

يلا نشوف صور حية من الاعمال التى تقوم بها القطة الشقية

غسيل الاطباق ( شايفين الحلاوة )

غسيل الحمام ( بيبرق زى الفل )

تظبطلك الجنينة ( لو عندكوا جنينة اصلا )

تنظف شبابيك البيت من بره ( حتى لو البيت عالى مش هتقع قطة بقى )

تغسل زى اللهلوبة ( فوم , واوتوماتيك برده كله شغال )

تنشر بقى اللى غسلته 

تكنس كل غرف الشقة بسرعة رهيبة ( من هواياتها المفضلة )

تروقلك السراير وترتبهم اخر حاجة

تكوى الهدوم ( احلى من سيد بخة المكوجى )

تنظيف الاثاث المنزلى ( حتى البيانو لو فى يعنى )

تطبخ وتنظف الحلل والصوانى وكله

بعد ما هتاكلوا تعملكوا الشاى بقى

بعد كل المميزات اللى شفناها من القطة الشقية للاعمال المنزلية . تفتكروا سعرها كام وبتتباع فين
السعر الاصلى للقطة : 500 دولار . بعد الخصم : 400 دولار .
اخر عرض حتى الان : اشترى 3 قطط وخد قطة عليهم هدية .

لطلب الشراء : الاتصال ب 090000000000000000000 . واحجز قطتك توصلك لحد البيت

( وده كان عرض تقديمى وهمى مقدم لكم من موقع فنكوش , يعنى محدش يصدق حاجة , والبنات متفكرش انها هتهرب من شغل البيت . )

طالما وصلت هنا اكيد القطة الشقية للاعمال المنزلية عجبتك . يلا شير وابعت لاصحابك .